Fyrirtæki eiginmanns formanns slitastjórnar sér um sölu

Ráðgjafa­fyr­ir­tækið Arctica Fin­ance hef­ur verið fengið til að sjá um sölu á 94% hlut slita­stjórn­ar Byrs spari­sjóðs í nýja Byr. Fram kom í frétt­um Rík­is­út­varps­ins að eig­inmaður for­manns slita­stjórn­ar­inn­ar er fram­kvæmda­stjóri Arctica Fin­ance.

Til­kynnt var í vik­unni, að sala slita­stjórn­ar Byrs á um 94% hlut sín­um í spari­sjóðnum að hluta eða að öllu leyti muni hefjast með form­leg­um hætti í næstu viku. Fram kom í frétt­um Stöðvar 2, að MP banki hef­ur m.a. sýnt áhuga á að kaupa þenn­an hlut.

Formaður slita­stjórn­ar Byrs er Eva Bryn­dís Helga­dótt­ir, lög­fræðing­ur hjá Mandat. Fram kom í frétt­um Útvarps­ins, að Arctica Fin­ance hafi verið stofnað af hópi fyrr­ver­andi starfs­manna Lands­bank­ans. Einn þeirra sé Stefán Þór Bjarna­son, eig­inmaður Evu Bryn­dís­ar, en hann er jafn­framt fram­kvæmda­stjóri Arctica.

Í stjórn Arctica Fin­ance eru  Ástráður Har­alds­son, sem starfar á lög­manns­stof­unni Mandat. Formaður stjórn­ar­inn­ar er Bjarni Þórður Bjarna­son, sem var for­stöðumaður fyr­ir­tækjaráðgjaf­ar Lands­bank­ans fyr­ir hrun og er móður­bróðir Evu Bryn­dís­ar. Þriðji stjórn­ar­maður­inn er María Rún­ars­dótt­ir.

Haft var eft­ir Jóni Finn­boga­syni, for­stjóra Byrs,  að fáir hafi komið til greina í þetta verk. Menn hafi verið að sækj­ast eft­ir starfs­kröft­um sér­fræðinga og Arctica Fin­ance búi yfir þeirri þekk­ingu sem til þarf.

Tekið var fram í frétt­um RÚV að það var stjórn Byrs, en ekki slita­stjórn­in eða Eva Bryn­dís, sem tóku hina form­legu ákvörðun um að fá Arctica Fin­ance til verks­ins. 

• 7 blogg um frétt­ina

Bloggað um frétt­ina

• Páll Vil­hjálms­son: Sódómísku fjár­mála­hjón­in og Stein­grím­ur J.
• Gísli Foster Hjart­ar­son: Jesús Krist­ur - laga þetta svo
• Óskar: Al­veg stór­kost­leg fyr­ir­sögn!! - en ekki fynd­in frétt
• Ein­ar Guðjóns­son: Mandat, um mig frá Mandat til Mandat.
• Jó­hann Elías­son: Á SLITA­STJÓRNIN EIG­IN­MANN??????????????
• Reyn­ir W Lord: Spill­ing og ekk­ert annað.
• Heim­ir Lárus­son Fjeld­sted: Spill­ing