Árni Pétur kaupir 10-11
Setja bókamerki
Undirritaður hefur verið samningur um sölu á rekstrarfélagi Tíu-ellefu ehf. frá Eignabjargi ehf., dótturfélagi Arion banka, til félags í eigu Árna Péturs Jónssonar.
Í tilkynningu sem Arion banki sendi frá sér þann 28. apríl síðastliðinn og í auglýsingum sem birtar voru í kjölfarið, var rekstrarfélag Tíu-ellefu auglýst til sölu. Í kjölfar kynningar á félaginu var kallað eftir tilboðum frá áhugasömum fjárfestum og á þeim grundvelli var ákveðið að ganga til viðræðna við fyrrgreindan aðila sem átti hagstæðasta tilboðið.
Þeim viðræðum er nú lokið með undirritun samnings um kaup Árna Péturs Jónssonar á Rekstrarfélagi Tíu-ellefu. Gert er ráð fyrir að nýr eigandi taki við rekstri félagsins fyrir lok þessa mánaðar, segir í tilkynningu.
Árni Pétur Jónsson var áður forstjóri Teymis og Vodafone en lét af störfum hjá félögunum árið 2009. Hann stýrði áður matvælasviði Baugs.
Biður fólk um að vera ekki á ferðinni
„Það var ekki dæmt löglegt að mismuna börnum“
Óformlegt eftirlit vegna hryðjuverka
Oddvitaviðtöl í Reykjavík suður
Fordæma árásir á ísraelska áhangendur
Appelsínugular og gular viðvaranir í dag