Eignast 60% í Toyota

Úlfar Steindórsson, forstjóri Toyota á Íslandi og Kristján Þorbergsson, framkvæmdastjóri fjármálasviðs sama fyrirtækis, hafa keypt 60% í fyrirtækinu af Landsbankanum.

Kemur þetta fram í tilkynningu frá Landsbankanum, sem hafði eignast allt fyrirtækið. Bankinn mun áfram eiga 40% í fyrirtækinu en ekki hafa afskipti af daglegum rekstri fyrirtækisins. Toyota hefur umboð fyrir tegundirnar Toyota og Lexus á Íslandi. Eignarhaldsbreytingin er gerð með samþykki Toyota Motor Europe (TME), en samþykki TME er helst sagt byggjast á góðu samstarfi við þá Úlfar og Kristján, að því er kemur fram í tilkynningu.

Segir Landsbankinn að þessi gjörningur sé hluti af viðamiklu skuldauppgjöri Toyota á Íslandi við bankann, sem sé nú lokið. Óvissu um rekstur félagsins hafi nú verið eytt.

• 1 blogg um fréttina

Bloggað um fréttina

• Þorkell Sigurjónsson: ÞEGAR ÚLFARI BAUÐST ÞAÐ, AÐ BERA MIG HEIM.