Enn lækkar lánshæfiseinkunn Grikklands

Alþjóðlega matsfyrirtækið Moody's tilkynnti í morgun, að það hefði neyðst til að lækka lánshæfiseinkunn gríska ríkisins um þrjú stig, úr Caa1 í Ca. Er einkunnin nú einu stigi yfir þeirri einkun, sem ríki fá geti þau ekki staðið við skuldbindingar sínar.

Moody's segir, að þær tillögur, sem nú liggi fyrir frá Evrópusambandinu og stórum fjármálastofnunum um skuldameðferð Grikklands feli í sér, að kröfurhafar tapi umtalsverðum fjármunum á ríkisskuldabréfum landsins.

Veruleg óvissa ríki um hvert markaðsverðmæti þeirra skuldabréfa, sem kröfuhafar fái í skiptum fyrir núverandi bréf. Segist Moody's munu endurskoða einkunnina þegar skuldabréfaskiptunum lýkur.  

• 1 blogg um fréttina

Bloggað um fréttina

• Páll Vilhjálmsson: Grískt gjaldþrot er vegna evrunnar