Sarkozy heldur neyðarfund

Forseti Frakklands, Nicolas Sarkozy, tók hlé á sumarleyfi sínu á frönsku Ríveríunni í dag og boðaði neyðarfund um efnahagsmál vegna ástandsins í Evrópu.

Forsætisráðherra Frakklands kom einnig heim úr sumarleyfi á Ítalíu til þess að mæta á fundinn sem hófst klukkan átta í morgun. Umræðuefni fundarins er staða efnahags- og fjármála. Auk þeirra mun fjármálaráðherra og seðlabankastjóri Frakklands sitja fundinn.

Ástandið hefur hins vegar batnað eftir að Seðlabanki Evrópu tók að kaupa spænsk og ítölsk ríkisskuldabréf fyrr í vikunni en fjárfestar eru samt sem áður órólegir, ekki síst vegna ástandsins í Bandaríkjunum. 

Carla Bruni-Sarkozy og Nicolas Sarkozy hafa verið í sumarleyfi að undanförnu Reuters

• 1 blogg um fréttina

Bloggað um fréttina

• Heimssýn: Dollarinn er mynt, evran er sprengiefni