SocGen lækkar um rúm 20%
Setja bókamerki
Svo virðist sem léttir fjárfesta vegna tilkynningar bankastjórnar Seðlabanka Bandaríkjanna sé að baki því allir hlutabréfamarkaðir virðast vera í frjálsu falli. Meðal annars hafa hlutabréf franska bankans Sociéte Generale lækkað um rúm 20%.
Í New York hefur Dow Jones-vísitalan fallið um 3,6%, S&P 500-vísitalan hefur lækkað um 3,5% og Nasdaq um 3,4%.
Ástæðan fyrir falli hlutabréfa SocGen er rakin til orðróms um að lánshæfiseinkunn Frakklands verði lækkuð. Þessu neita frönsk stjórnvöld en bæði forseti landsins og forsætisráðherra komu heim úr sumarfríi í morgun til þess að sitja neyðarfund með fjármálaráðherra og seðlabankastjóra vegna efnahagsástandsins.
Í kauphöllinni í Mílanó nemur lækkun FTSE Mib 4,07% og í Madríd hefur IBEX 35-vísistalan lækkað um 3,44%.
Í París hefur CAC-vísitalan lækkað um 3,66% en í Frankfurt nemur lækkun DAX 2,74%. Ástandið er öllu skárra í Lundúnum en þar nemur lækkun FTSE -vísitölunnar 1,64%.
Vinna hefst í dag við að reisa undirstöður
Hvatti kjósendur til þess að greiða ógild atkvæði
Koma fyrstu tölur á sunnudagskvöldið?
Íslensk kona handtekin á Tenerife eftir líkamsárás
Heimildarmenn tala um hápólitískt drama
Formaðurinn útilokar ekki undirritun í kvöld