Verðfall á Wall Street

Mikið verðfall var á hlutabréfamörkuðum vestanhafs í kvöld í kjölfar nýrrar skýrslu Morgan Stanley-fjárfestingarbankans þar sem varað var við því að Evrópa og Bandaríkin væru á leið í nýja kreppu.

Dow Jones-hlutabréfavísitalan lækkaði um 3,68% eða 419,63 stig og er lokaverð hennar 10.990,58 stig. S&P 500-vísitalan lækkaði um 4,46% og Nasdaq um 5,22%.

Er lækkunin á Wall Street í takt við hlutabréfamarkaði í Evrópu sem lækkuðu mikið í dag. Er lækkunin víða í Evrópu sú mesta síðan í byrjun árs 2009 er kreppan var í algleymi. 

• 1 blogg um fréttina

Bloggað um fréttina

• Vilborg Eggertsdóttir: Gef Carl Calleman orðið