Eignir í hættu

Ef komist verður að þeirri niðurstöðu að ólöglegt hafi verið að reikna verðbætur á höfuðstól verðtryggðra lána, eins og Hagsmunasamtök heimilanna halda fram, gætu afleiðingarnar orðið alvarlegar fyrir banka og lífeyrissjóði.

Í fréttaskýringu um mál þetta í Morgunblaðinu í dag segir, að ein hugsanleg afleiðing af slíkri niðurstöðu sé að afskrifa þurfi stóran hluta verðtryggðra eigna fyrirtækja og stofnana, en lífeyrissjóðirnir eiga um 550 milljarða króna í verðtryggðum eignum, svo dæmi sé tekið. Hér er þó aðeins um eina mögulega niðurstöðu af mörgum að ræða.