Vaxandi hætta steðjar að hagkerfi heimsins

Christine Lagarde, nýr forstjóri Alþjóðagjaldeyrissjóðsins, sagði í ræðu í dag að vaxandi hætta steðjaði að alþjóðlega hagkerfinu og möguleikar ríkja og alþjóðastofnana til að styðja við það væri takmarkaðri en áður.

Lagarde sagði, að hins vegar væri hægt að stýra framhjá hættunum með samstilltu átaki. „Ég er viss um að ef gripið verður til réttu aðgerðanna verður hægt að tryggja sterkan, varanlegan og jafnan hagvöxt,“ sagði Lagarde á fundi seðlabankastjóra í Jackson Hole í Wyoming í Bandaríkjunum.   

Ben Bernanke, seðlabankastjóri Bandaríkjanna, hélt ræðu á fundinum í gær og sagði, að seðlabankinn gæti lítið gert til að örva efnahagsvöxt. Bandarískir stjórnmálaleiðtogar yrðu að grípa til aðgerða til að fjölga störfum og örva fasteignamarkað.  

• 3 blogg um fréttina

Bloggað um fréttina

• Guðrún María Óskarsdóttir.: Endurmat á hagfræðiformúlum nútímans á heimsvísu.
• Axel Jóhann Axelsson: Stjórnmálamenn verða að vinna vinnuna sína
• Haraldur Haraldsson: Vaxandi hætta steðjar að hagkerfi heimsins/skal þetta hafa verið sagt …