Höfðar mál gegn bönkunum

Bandarísk stjórnvöld hafa tilkynnt að þau ætli að höfða mál gegn 17 bönkum vegna taps sem þau urðu fyrir vegna lána til húsnæðiskaupa, en tapið hefur leitt til þess að bandarískir skattborgarar hafa þurft að taka á sig milljarða dollara skuldir.

Málið tengist íbúðalánasjóðunum Fannie Mae og Freddie Mac sem eru stærstu lánveitendur húsnæðislána í Bandaríkjunum. Viðskiptabankarnir tóku þessi skuldabréf og bjuggu til svokallaða skuldabréfavafninga og seldu þá sem traustan fjárfestingakost. Í ljós kom hins vegar að stór hluti lánapakkans var mjög ótraustur. Þetta átt stóran þátt í bankakreppunni haustið 2008.

Í tilkynningu frá bandarískum stjórnvöldum segir að mál verði höfðað gegn stórum bönkum eins og Bank of America, Goldman Sachs, JPMorgan Chase, Deutsche Bank, HSBC, Barclays og Nomura. Heildarkrafan hljóðar upp á 114,6 milljarða dollara.

• 1 blogg um fréttina

Bloggað um fréttina

• Vilhjálmur Bjarnason Ekki fjárfestir: Íslensk stjórnvöld leyfa bönkunum að höfða mál gegn almenningi og …