Flýta greiðslu til Grikklands

Framkvæmdastjórn Evrópusambandsins ætlar að flýta 7,7 milljarða evra greiðslu til Grikklands en til stóð að greiðslan yrði ekki að fullu greidd fyrr á árinu 2013.

Er peningunum ætlað að styðja við bakið á fyrirhuguðum áætlunum um að auka samkeppnishæfi, auka vöxt og fjölga störfum í grísku atvinnulífi.

Er þetta niðurstaða nefndar sem Olli Rehn, sem fer með efnahagsmál í framkvæmdastjórninni, stýrði.

Á sama tíma reynir kanslari Þýskalands, Angela Merkel, að róa fjárfesta sem óttast mögulegt greiðslufall gríska ríkisins. Að sögn Merkel standa evru-ríkin þétt saman enda hefði fall Grikklands og um leið brotthvarf þess af evru-svæðinu, keðjuverkandi áhrif.

• 1 blogg um fréttina

Bloggað um fréttina

• Kolbrún Hilmars: Alltaf gaman að eyða aurum annarra