Sjö fengu 170 milljarða afskrifaða

Bankar og fjármálafyrirtæki höfðu um mitt þetta ár afskrifað samtals 336 milljarða hjá 41 fyrirtæki. Þetta fram í skýrslu Eftirlitsnefnd um sértæka skuldaaðlögun. Sjö fjárfestinga og eignarhaldsfélög fengu samtals 170 milljarða afskrifaða.

Samkvæmt lögum á eftirlitsnefndin að skila reglulega skýrslu um framkvæmd laga um sérstaka skuldaaðlögun. Nýjasta skýrslan er sú þriðja í röðinni. Samkvæmt lögunum á nefndin að skila tölfræðilegum upplýsingum um fyrirtæki sem fá meina en einn milljarð í eftirgjöf skulda.

Fram kemur í skýrslunni að sjö fasteignafélög fengu samtals 13,6 milljarða afskrifaða. Sjö fjárfestinga og eignarhaldsfélög fengu 170 milljarða afskrifaða. Fimm sjávarútvegsfyrirtæki fengu 12,8 milljarða afskrifaða. Fjögur verkataka og byggingafyrirtæki fengu 26,6 milljarða afskrifaða. Þrettán verslunarfyrirtæki fengu 88,5 milljarða afskrifaða og fimm önnur fyrirtæki fengu samtals 25 milljarða afskrifaða.

Til viðbótar var lánum að upphæð 91,5 milljörðum hjá níu fyrirtækjum breytt í hlutafé. Rúmlega 70 milljarðar af þessari upphæð er hjá þessum sjö fjárfestinga og eignarhaldsfélögum.

Samkvæmt lögunum má nefndin ekki upplýsa um nöfn þeirra fyrirtækja sem hafa fengið skuldir afskrifaðar.

Skýrsla eftirlitsnefndarinnar

• 5 blogg um fréttina

Bloggað um fréttina

• S i g u r ð u r S i g u r ð a r s o n: Hvað varð um fyrirtæki sem fengu afskriftir skulda?
• Páll Vilhjálmsson: Jóns Ásgeir og Samfylking
• Sigurður Haraldsson: Eitt orð!
• Ólafur Örn Jónsson: HVAÐ VARÐ UM KVÓTA VEÐIN ?????
• Marinó G. Njálsson: Áhugaverð skýrsla en sama villa um afskriftir