Olíuverð lækkar

Olíuverð féll í dag, þriðja daginn í röð en þar höfðu áhyggjur af efnahagsástandi á heimsvísu og eftirspurn eftir orkugjöfum mest áhrif.  Olían lækkaði um 87 sent niður í 79,64 dali á tunnu eftir að hafa fallið um 6%. Brent-hráolía féll  um 91 sent og kostar tunnan nú 104,58 dali.

Fjárfestar eru enn plagaðir af stöðnun í bandarísku hagkerfi og skuldavanda í Evrópu.  Þar skiptir ekki síst máli að Moody's lækkaði lánshæfiseinkunn átta grískra banka en greiðslufall Grikkja gæti einnig haft áhrif utan Evrópu.

Fyrr á þessu ári hækkaði olíuverð í 114 dali á tunnuna og vonuðust margir fjárfestar þá til þess að batnandi efnahagur í heiminum skilaði sér í aukinni eftirspurn eftir olíu. Hins vegar hefur aukið atvinnuleysi í Bandaríkjunum, sem er stærsti kaupandinn, og merki um minnkandi hagvöxt í Kína sem er næststærsti kaupandinn, haft áhrif til lækkunar.

• 3 blogg um fréttina

Bloggað um fréttina

• Reynir W Lord: Dæmigert, og ekkert skrítið við þetta.
• Haraldur Haraldsson: Olíuverð lækkar/Vonanadi gerist það áfram,það lækkaði lítið hé á Íslandi …
• Sigrún Óskars: lækkun "erlendis" rúm 10% - lækkun "hérlendis" minna en 1%