Gjaldþrot nálgast þúsundið

Tólf fyrirtæki voru úrskurðuð gjaldþrota í ágúst samanborið við 19 fyrirtæki í ágúst á síðasta ári. Það sem af er árinu hafa 950 verið tekin til gjaldþrotaskipta sem er 52,5% aukning frá síðasta ári. 

Þetta kemur fram í nýjum tölum frá Hagstofunni. Flest gjaldþrot það sem af er árinu eru í byggingarstarfsemi og mannvirkjagerð. Mikil aukning hefur verið í gjaldþrotum frá því í fyrra en allt síðasta ár voru 982 fyrirtæki tekin til gjaldþrotaskipta. Höfðu aldrei fleiri félög orðið gjaldþrota á einu ári en þá.

Alls voru 110 ný einkahlutafélög skráð í ágúst sem er sami fjöldi og í ágúst í fyrra. Alls efur 1071 einkahlutafélag verið skráð fyrstu 8 mánuði ársins og hefur nýskráningum fækkað um tæp 4% frá sama tímabili árið 2010 þegar 1112 ný einkahlutafélög voru skráð.

Tilgangur flestra nýju félaganna er fasteignaviðskipti. 

• 1 blogg um fréttina

Bloggað um fréttina

• Haraldur Haraldsson: Gjaldþrot nálgast þúsundið//Þetta mun bara aukast,meðan ekkert er gert til …