25% lækkun á þremur mánuðum

Hluta­bréf í kaup­höll­um í Þýskalandi og Frakklandi hafa fallið um 25% á síðustu þrem­ur mánuðum. Þessi árs­fjórðung­ur er einn sá versti í sögu kaup­halla í fjölda­mörg ár.

Hluta­bréf í FTSE-kaup­höll­inni í London hafa lækkað í verði um 13,7% síðan í júní og fara þarf aft­ur til árs­ins 2002 til að finna jafn mikla lækk­un.

Það eru ekki síst hluta­bréf í bönk­um sem hafa fallið. Verð hluta­bréfa í Deutsche Bank og Comm­erzbank hafa lækkað um 30% á síðustu þrem­ur mánuðum. Verð hluta­bréfa í franska bank­an­um Societe Gener­ale hef­ur lækkað um 50% á þessu tíma­bili og um meira en 40% í BNP Pari­bas.

Verð hluta­bréfa lækkaði al­mennt í dag í kjöl­far frétta um að verðbólga á evru-svæðinu væri kom­in upp í 3%. Fjár­fest­ar höfðu reiknað með að Seðlabanki Evr­ópu myndi lækka vexti eft­ir að hafa hækkað þá í 1,5%. En töl­ur um verðbólgu hafa slegið nokkuð á þær vænt­ing­ar.

• 2 blogg um frétt­ina

Bloggað um frétt­ina

• Páll Vil­hjálms­son: Evr­an veld­ur heimskreppu
• Ómar Gísla­son: Evr­an og dauðat­eygj­an