Bauhaus leitar að starfsfólki

Þýska byggingavöruverslunin Bauhaus hyggst auglýsa eftir starfsfólki í lok mánaðarins, að því er fram kemur í Viðskiptablaðinu á morgun, og greint er frá á vef blaðsins í kvöld. Bauhaus reisti verslun við Vesturlandsveg og ætlaði að opna hana í árslok 2008 en frestaði því vegna bankahrunsins hér á landi.

Samkvæmt Viðskiptablaðinu er talið að Bauhaus hyggist opna verslunina um eða upp úr áramótunum. Í samtali við blaðið vildi Halldór Óskar Sigurðsson, framkvæmdastjóri Bauhaus á Íslandi, ekki staðfesta nákvæma tímasetningu en sagði þó að byrjað yrði að auglýsa eftir starfsfólki í lok október. Halldór Óskar hefur undanfarnar vikur dvalið í Danmörku í þjálfun hjá Bauhaus en hann var ráðinn framkvæmdastjóri haustið 2008.

• 1 blogg um fréttina

Bloggað um fréttina

• Haraldur Haraldsson: Bauhaus leitar að starfsfólki/þá meiga hinir Íslensku fara að passa …