Bankar neyddir til að þiggja aðstoð

Evrópskir bankar sem þurfa á endurfjármögnun að halda verða jafnvel neyddir til þess að þiggja slíka endurfjármögnun, segir Jean-Claude Juncker, forsætisráðherra Lúxemborgar og forsvarsmaður fjármálaráðherra á evru-svæðinu.

Í útvarpsviðtali í morgun við Juncker kom fram að einhverjir evrópskir bankar þurfi á endurfjármögnun að halda. Þar sem þörf er á endurfjármögnum verði að grípa inn og tryggja að það gerist svo þeir skapi ekki hættu fyrir allt fjármálakerfið.

Bankastjóri Deutsche Bank, Josef Ackermann, sagði í gær að umræðan um endurfjármögnun banka væri ekki í takt við stöðuna á markaðnum þar sem flestir bankar hefðu bætt stöðu sína sjálfir nú þegar. Það að dæla peningum inn í bankana myndi ekki takast á við rót vandans í Evrópu.

Samtök þýskra banka, BdB, hafa gefið út svipaðar yfirlýsingar, að skuldakreppan á evru-svæðinu sé ekki bankakreppa heldur skuldakreppa ríkja.

• 2 blogg um fréttina

Bloggað um fréttina

• Lísa Björk Ingólfsdóttir: Ástarbréf til ríkisstjórnarinnar og bankanna.......
• Páll Vilhjálmsson: Pólitísk kreppa ESB: bankarnir í skotlínu