Bankar gefi Grikkjum 50% afslátt

Fjármálaráðherrar evruríkjanna ákváðu í kvöld, að biðja einkabanka, sem lánað hafa gríska ríkinu fé, að afskrifa að minnsta kosti helming þeirra lána en ella vofi ríkisgjaldþrot yfir Grikklandi.

„Það þarf að minnsta kosti 50%," sagði ónafngreindur sendimaður við AFP.

Hann sagði að viðræður verði nú teknar upp við banka á þessum grundvelli en stefnt er að því að þeim viðræðum ljúki fyrir leiðtogafund evruríkjanna, sem boðaður hefur verið 26. október.  

• 1 blogg um fréttina

Bloggað um fréttina

• Heimssýn: 50% afsláttur til Grikkja,hvað með Spán, Írland og Portúgal?