Vaxtahækkun bítur fast á fyrirtæki

Ákvörðun Seðlabankans að hækka stýrivexti um 0,25 prósentustig hefur bein og skjót áhrif á fjármögnunarkostnað fyrirtækja sem hafa á undanförnum misserum í stórauknum mæli tekið óverðtryggð lán með breytilegum vöxtum.

Á síðustu tveimur árum hefur verðmæti slíkra lána aukist úr 90 milljörðum í hátt í 300 milljarða og nema þau nú um þriðjungi af heildarútlánum til fyrirtækja, að því er fram kemur í viðskiptablaði Morgunblaðsins í dag.

Mörg fyrirtæki eru af þeim sökum berskjaldaðri en áður fyrir vaxtahækkunum Seðlabankans þar sem hækkunin leiðir strax til meiri fjármagnskostnaðar.