17,8% aukning á heildarveltu

Heildarveltuaukning varð á Visa kreditkortaviðskiptum á tímabilinu 22. september til 21. október um 17,8% ef miðað er við sama tímabil  í fyrra. Notkun innanlands jókst um 17,2% en erlendis var veltuaukningin tæp 21%.   

Þetta kemur fram í tilkynningu frá Valitor sem birtir mánaðarlega samanburð á veltutölum milli ára sem sýna breytingar á tilteknu tímabili á notkun íslenskra Visa kreditkorta.

Notkun íslenskra Visa korta innanlands á bensínstöðvum og við eldsneytissjálfsala jókst um 23,4% í október.

Í matvöruverslunum og stórvöruverslunum jókst notkunin um 23,1%.

Notkun í áfengisverslunum við kaup á bjór og víni jókst um 12,8%.

• 1 blogg um fréttina

Bloggað um fréttina

• Haraldur Haraldsson: 17,8% aukning á heildarveltu/hvað segir þetta okkur að fólki vantar …