Þjóðverjar þurfa ekki evruna

Þýskir útflytjendur geta vel komist af án evrunnar sagði Anton Börner formaður samtaka þýskra útflytjenda í dag en í gær sýndu opinber gögn að mettölur í útflutningi Þjóðverja væru orsök hagstæðasta viðskiptajafnaðar landsins á þriggja ára tímabili.

„Frjálsi markaðurinn er það sem skiptir máli, við þurfum ekki nauðsynlega á sameiginlegum gjaldmiðli að halda,“ sagði Börner. „Er líf fyrir Þýskaland eftir evruna? Já það er það.“ Hann bætti við að útflytjendur geta lifað af án evrunnar.

Þýskaland er annar stærsti útflytjandi heims á eftir Kína. Útflutningur Þjóðverja nam 91,3 milljörðum evra í september sem er 0,9% hækkun frá í ágúst og hefur útflutningur þeirra aldrei verið meiri frá sameiningu.

• 3 blogg um fréttina

Bloggað um fréttina

• Guðmundur Paul: Þýskaland og Evran
• Haraldur Haraldsson: Þjóðverjar þurfa ekki evruna/en þeir gefa meira fyrir að stjórna …
• Jóhann Elíasson: EF ÞÝSKALAND HÆTTIR Í EVRUSAMSTARFINU.................