Álag á ítölsk skuldabréf rúm 7%

Lánskjör ítalska ríkisins hafa ekki batnað við skipun Mario Monti í embætti forsætisráðherra, en í morgun var álag á skuldabréf ríkisins til tíu ára 7,039%. Álagið fór hæst í 7,483% þann 9. nóvember sl. en 7% múrinn er talinn marka upphafið af ósjálfbærri skuldastöðu.

Líkt og fram kom í Morgunkorni greiningar Íslandsbanka í síðustu viku er Ítalía þriðja stærsta hagkerfi evrusvæðisins og nema skuldir Ítalíu  tæpum 24% af heildarskuldum svæðisins.  Heildarskuldir Ítalíu nema um 1,9 triljónum evra sem er meira en samanlagðar skuldir, Grikklands, Írlands, Portúgal og Spánar. 

• 2 blogg um fréttina

Bloggað um fréttina

• Gunnar Heiðarsson: Gamalt vín á nýjum belgjum
• Heimssýn: Þjóðverjar og Bretar og ólík ESB-framtíð