Yrði mikill skellur fyrir Lýsingu

Allt önnur og erfiðari staða blasir við fyrir fjármögnunarfyrirtæki falli dómar um fjármögnunarleigusamninga lántakendum í vil á næstu misserum.

Í Morgunblaðinu segir að í dag hefjist málflutningur í Héraðsdómi Reykjavíkur í máli Smákrana ehf. gegn Lýsingu og samkvæmt upplýsingum frá Fjármálaeftirlitinu yrði það mikill fjárhagslegur skellur fyrir Lýsingu félli dómur fyrirtækinu í óhag.

Samkvæmt upplýsingum frá Lýsingu gekk fyrirtækið í gegnum fjárhagslega endurskipulagninu í því augnamiði að vera reiðubúið til að standa af sér slík áföll.