Gunnar virkur í starfi aflandsfélaga Landsbankans

Ríkisútvarpið segir að Gunnar Andersen, forstjóri Fjármálaeftirlitsins, hafi verið virkur i starfi aflandsfélaga Landsbankans samkvæmt gögnum sem Kastljós Sjónvarpsins hafi undir höndum.

Hafi Gunnar m.a. undirritað fundargerðir stjórnar og skrifað undir lánasamninga.

Gunnar var m.a. stjórnarmaður í aflandsfélaginu LB Holding sem var skráð  í skattaskjólinu Guernsey. Eftir umfjöllun í rannsóknarskýrslu Alþingis vöknuðu spurningar um hæfi Gunnars sem forstjóra Fjármálaeftirlitsins. Fékk stjórn stofnunarinnar Andra Árnason, lögmann, til að athuga málið.

Andri komst að þeirri niðurstöðu að Gunnar væri fyllilega hæfur til að gegna starfi forstjóra Fjármálaeftirlitsins þrátt fyrir stjórnarsetu sína í aflandsfélögunum. Féllst Andri á þá skýringu Gunnars að hann hafi verið óvirkur stjórnandi.

Vefur Ríkisútvarpsins

• 3 blogg um fréttina

Bloggað um fréttina

• Viggó Jörgensson: En gerði hann eitthvað ólöglegt?
• Kristinn Karl Brynjarsson: Stjórn FME jafn vanhæf og Gunnar Andersen
• Torfi Kristján Stefánsson: Hjálp við að svíkja undan skatti samræmis ekki stjórnun Fjármálaeftirlitsins