Strik undir skuldaafskriftir

Það kemur að því að það þurfi að setja strik undir afskriftir skulda heimila og fyrirtækja. Ef heimilin búast alltaf við frekar afskriftum gera þau ekki þær lagfæringar á bókhaldi sínu sem þörf er á. Þetta kom fram í máli Más Guðmundssonar, seðlabankastjóra, á opnum fundi efnahags- og viðskiptanefndar Alþingis.

Var það Margrét Tryggvadóttir, fulltrúi Hreyfingarinnar í nefndinni, sem spurði peningastefnunefnd Seðlabankans sem var gestur nefndarinnar, hvort þörf væri á frekari leiðréttingu skulda heimila og fyrirtækja.

Svaraði seðlabankastjóri, sem einnig er formaður peningastefnunefndar, að það kæmi að því að setja þyrfti strik undir afskriftir skulda. Neyslustigið sem hér hefði verið fyrir hrun hefði ekki staðist og það kæmi ekki til með að gera það. Mikilvægt væri að fólk gerði sér grein fyrir og aðlagaðist því.

• 5 blogg um fréttina

Bloggað um fréttina

• Lísa Björk Ingólfsdóttir: Segir sá sem ekkert veit!
• Sigurður Haraldsson: Strika þú þá undir!
• Vilhjálmur Bjarnason Ekki fjárfestir: Már þarf miklu frekar að aðlaga sig að íslenskum veruleika …
• BJÖRK : Rétt þegar úrræðin voru að verða trúverðug og líkleg til …
• S i g u r ð u r S i g u r ð a r s o n: Hrokafull yfirlýsing seðlabankastjóra