Atvinnuleysi mælist 8,3%

Atvinnuleysi mældist 8,3% að meðaltali í ríkjum OECD í október en það var 8,1% í september. Litlar breytingar hafa orðið á hlutfalli atvinnulausra í ríkjunum það sem af er ári.

Á evrusvæðinu jókst atvinnuleysi um 0,1% á milli mánaða og mældist 10,3% í október og hefur ekki verið meira frá upphafi efnahagskreppunnar árið 2008. Í Hollandi mælist atvinnuleysi 4,8% og á Spáni er það 22,8%. Í júlí 2007 mældist atvinnuleysi á Spáni 7,9%. Í Þýskalandi dró úr atvinnuleysi í október og mælist það 5,5% en hæst fór það í 8% um mitt ár 2009.

Alls eru um 45,1 milljón manna án atvinnu í OECD-ríkjunum í október og fækkar um 1,5 milljón frá september. 

Atvinnuleysi mældist 9,8% að meðaltali í ríkjum ESB í október og er minnst í Austurríki, 4,1%.

Atvinnuleysið er mest á Spáni en næstmest á Írlandi, 14,3%. Tekið skal fram að ekki eru birtar tölur fyrir Grikkland.

Í Suður-Kóreu mælist atvinnuleysi 3,1% og er hvergi minna meðal ríkja innan OECD.

• 1 blogg um fréttina

Bloggað um fréttina

• Jón Ingi Cæsarsson: Minna atvinnuleysi á NA landi.