Rannsókn nokkurra mála lokið
Setja bókamerki
Rannsókn embættis sérstaks saksóknara á nokkrum málum sem tengjast bankahruninu lauk í þessum mánuði. Í upphafi desembermánaðar sagði Ólafur Þór Hauksson, sérstakur saksóknari, að það hyllti undir rannsókn tíu mála.
Síðan þá hafa tveir fyrrverandi stjórnendur Glitnis verið ákærðir vegna lánveitingar til félagsins Þáttar International, þeir Lárus Welding fyrrverandi bankastjóri og Guðmundur Hjaltason, fyrrverandi framkvæmdastjóri fyrirtækjasviðs.
Í samtali við mbl.is segir Ólafur að síðan hann sagði þetta, 2. desember, hafi rannsókn nokkurra mála lokið hjá embættinu. Hann getur ekki tjáð sig um hversu mörgum, né heldur um nákvæmlega hvaða mál það eru.
Ekki hafa verið teknar neinar frekari ákvarðanir um ákærur og ekki hafa nein mál heldur verið felld niður. Aðspurður segist Ólafur ekki búast við því að fleiri ákærur verði gefnar út á þessu ári, en býst frekar við því að það gerist einhvern tímann eftir áramót.
Líklega komin á seinni hluta hrinunnar í Svartsengi
Hentugt gos fyrst gýs á annað borð
Sjötti ferðamaðurinn er látinn
Hópur fólks reyndi að komast að eldgosinu
Rússar sagðir útvega N-Kóreu milljón olíutunnur
Litlar líkur á að hraunið nái til mannvirkja