Drökmur og lírur til vara

Að minnsta kosti tveir alþjóðlegir stórbankar hafa undirbúið sig tæknilega til að byrja á ný viðskipti í gjaldmiðlunum drökmum, escudos og lírum. Bankarnir gerðu þetta vegna dýpkandi evrukreppu á liðnum mánuðum, að því er stórblaðið Wall Street Journal greindi frá á aðfangadag.

Bankarnir komust að því að það er ekki einfalt mál í fjármálaheiminum að reyna samtímis að lýsa yfir trausti á evru sem sífellt veikist og að búa sig undir fall hennar, til öryggis.

Yfirmenn tæknimála stórbankanna höfðu samband við Swift í Belgíu, sem rekur alþjóðlegt greiðslumiðlunarkerfi, að sögn kunnugra. Bankarnir óskuðu eftir því að kerfi Swift byði upp á þá tækni og auðkenni fyrrnefndra gjaldmiðla sem varakerfið krefst.

Swift neitaði að gefa nokkrar upplýsingar um slíkar áætlanir, sem gerðar eru til vara, þar á meðal hvort hin gömlu auðkenni gjaldmiðlanna gangi í kerfinu, að því er Wall Street Journal hefur eftir heimildarmönnum sínum.

• 1 blogg um fréttina

Bloggað um fréttina

• Páll Vilhjálmsson: Örlagaár evrunnar 2012