ESB með drög að samkomulagi

Evrópusambandsríkin samþykktu í dag drög að samkomulagi til að vinna gegn evruvandanum, sem felur í sér að komið verði sterkari böndum á fjárhagsstjórn ríkjanna og ríkin nái jöfnuði í fjármál sín.  

Einn samninganefndarmanna staðfesti í dag að komin væru drög að samkomulagi sem 26 ESB ríkjanna hefðu í desember heitið að styðja. Bretar hafa ekki viljað styðja samkomulagið.

Hafist verður handa við að útbúa drög að nýjum formlegum samningi sem fjármálaráðherrar ríkjanna fá afhent til yfirlestrar þegar þeir funda í Brussel þann 24. janúar næstkomandi.

Þó standa enn nokkrir lausir endar út af á lagahliðinni, sem eftir er að ganga frá, að sögn heimildarmanns AFP-fréttastofunnar.

Eftir stendur ágreiningur um hlutverk framkvæmdastjórnarinnar í því að sannreyna að þau ESB-ríki sem undirriti samkomulagið komi á lögum sem innihaldi hina svokölluðu „gullnu reglu“ sem ríkin leitast við að koma á, þar sem ríkin eru skikkuð til að ná jöfnuði í ríkisfjármálum

• 2 blogg um fréttina

Bloggað um fréttina

• Axel Jóhann Axelsson: ESBríki samþykkja ósamda samninga
• Páll Vilhjálmsson: Lögmætisvandi ESB