Gæti komið til frekari vaxtahækkana

Fram kom í máli Más Guðmundssonar, seðlabankastjóra, á blaðamannafundi í morgun um þá ákvörðun peningamálastefnunefndar Seðlabanka Íslands að hækka vexti um 0,25% að útlitið nú í peningamálum væri svipað og í febrúar. Ef verðbólguhorfur bötnuðu ekki umtalsvert á næstunni gæti komið til frekari vaxtahækkana.

Helsti munurinn væri sá að gengi krónunnar hefði veikst sem hefði þau áhrif að auka á verðbólguna. Hins vegar hefði gengi hennar verið nokkuð stöðugt síðustu daga og styrkst í gær.

Þá sagði Már að óljóst væri enn hvaða áhrif hertari gjaldeyrishöft hefðu á gengisþróunina en nýverið var samþykkt á Alþingi að herða höftin frekar frá því sem áður var.

Már sagði ennfremur að vextir væru í dag lægri á Íslandi en þeir væru ef ekki væri fyrir gjaldeyrishöftin. Þegar þau yrðu afnumin mætti búast við að vextir hækkuðu en óvíst væri þó hversu mikið.

• 3 blogg um fréttina

Bloggað um fréttina

• Hjördís Vilhjálmsdóttir: Dr.Money
• Jóhann Elíasson: ERU MEÐLIMIR PENINGAMÁLASTEFNUNEFNDAR MEÐ HÁLM Í HEILASTAÐ?????
• Sigurður Ingólfsson: Er ekki nóg komið ?