Sala á nýjum bílum tvöfaldast milli ára

Sala á nýjum bílum var 93% meiri á fyrsta ársfjórðungi þessa árs en hún var á sama tímabili í fyrra. Á fyrstu þremur mánuðum þessa árs voru skráðir 1.153 nýir bílar en þeir voru 597 í fyrra.

Í umfjöllun um þetta mál í Morgunblaðinu í dag segir Egill Jóhannsson, forstjóri Brimborgar,  eitthvað að gerast á markaðnum. „En þetta er vöxtur upp úr mjög litlu,“ segir hann. Þá geti bílaleigubílar vegið þungt.