Lægri verðbólga þýðir ekki óbreytta vexti

Már Guðmundsson seðlabankastjóri sagði að ekki væri hægt að ganga út frá því að stýrivextir yrðu óbreyttir ef verðbólga lækkaði í samræmi við það sem að væri stefnt. Það væri fleira en verðbólga sem hefði áhrif á vaxtaákvarðanir.

Í tilkynningu Seðlabankans í morgun segir að helsta ástæðan fyrir hækkun stýrivaxta um 0,5 prósentustig sé aukin verðbólga en meginástæðan fyrir henni sé lækkun á gengi krónunnar. Hann sagði jafnframt að ef verðbólga yrði áfram svona mikil væri óhjákvæmilegt að hækka stýrivexti frekar.

Már var á fundi Seðlabankans í morgun spurður hvort hægt væri að ganga út frá því að stýrivextir yrðu ekki hækkaðir á næstunni ef verðbólga lækkaði í samræmi við það sem að var stefnt. Már sagðist ekki geta fullyrt að vextir yrðu óbreyttir ef verðbólga lækkaði. Það væru fleiri þættir sem bankinn þyrfti að líta til.

• 2 blogg um fréttina

Bloggað um fréttina

• Haraldur Haraldsson: Lægri verðbólga þýðir ekki óbreytta vexti/Auðvitað lækkar það fasta vexti,hvað …
• Ómar Gíslason: Er Seðlabankinn og ríkisstjórnin aðalvandmálið?