Staða evrunnar skánar lítillega

Evran rétti heldur úr kútnum gagnvart Bandaríkjadal í kvöld eftir að hafa lækkað nánast stöðugt það sem af er mánuði.

Klukkan níu í kvöld voru viðskipti með evruna á 1,2773 Bandaríkjadali samanborið við 1,2693 dali í gærkvöldi. Fyrr í dag fór evran hins vegar niður í 1,2642 dali sem er lægsta gildi evrunnar í fjóra mánuði.

Er lækkunin rakin til slæmrar stöðu á evrusvæðinu, einkum í Grikklandi, og mögulegrar útgöngu landsins úr evrusamstarfinu. Einnig til versnandi stöðu spænskra banka.

• 1 blogg um fréttina

Bloggað um fréttina

• Ómar Bjarki Kristjánsson: Evran haggast ekki.