Neitar að gefa upp nöfn bankanna

Evrópski seðlabankinn hefur hafnað kröfu þýska þingmannsins Gerhard Schick um að upplýsa hvaða evrópsku bankar hafi fengið lánafyrirgreiðslu upp á samtals 1.000 milljarða evra frá seðlabankanum á tímabilinu frá desember á síðasta ári og fram í febrúar á þessu ári á lágum vöxtum.

Fjallað er um málið í þýska viðskiptablaðinu Financial Deutschland en umrædd lán voru veitt í þeim yfirlýsta tilgangi að bjarga evrusvæðinu og voru vextir á lánunum einungis 1%.

Nýverið sagði Benoit Coeure, sem sæti á í bankaráði Evrópska seðlabankans, í samtali við breska ríkisútvarpið BBC að evrusvæðið hefði verið við það að hrynja síðastliðið haust en bankinn hefði bjargað því með áðurnefndum lánveitingum.

• 1 blogg um fréttina

Bloggað um fréttina

• Ómar Ragnarsson: "Follow the money!" "Follow the water!"