9,8% samdráttur í vörusölu á Spáni

Vöru­sala á Spáni dróst sam­an um 9,8% í apríl, borið sam­an við sama mánuð í fyrra. Sam­drátt­ur­inn er mun meiri en reiknað hafði verið með. Þetta er 22. mánuður­inn í röð þar sem vöru­sala dregst sam­an á Spáni.

Vöru­sala dróst sam­an um 4% í mars. Sam­drátt­ur­inn í apríl er því mjög mik­ill.

Lítið hef­ur verið um góðar frétt­ir af efna­hags­mál­um á Spáni síðustu vik­urn­ar. At­vinnu­leysi er enn að aukast og er komið upp í 24%. Erfiðleik­ar eru í banka­kerf­inu og rík­is­sjóður hef­ur neyðst til að skera niður út­gjöld. Allt ýtir þetta und­ir sam­drátt í einka­neyslu og minni hag­vöxt.

• 1 blogg um frétt­ina

Bloggað um frétt­ina

• Páll Vil­hjálms­son: 18 neyðar­fund­ir á 2 árum: evru-lönd verði Stór-Evr­ópa