Selja á hluti ríkisins í Landsbankanum

Jóhanna Sigurðardóttir forsætisráðherra sagði í viðtali við Reuters fréttastofuna að íslenska ríkið ætli að selja hlut í Landsbankanum. Mun salan fara fram á þessu ári og því næsta en lagt er upp með að eignarhlutur ríkisins fari úr 81,3 prósentum og niður í tvo þriðju hluta.

„Markmiðið er að hefja sölu hluta á þessu ári. Selja smátt í einu á þessu ári og næsta þar til við erum komin niður í tvo þriðju hluta,“ segir Jóhanna í viðtali við Reuters. Að sögn hennar er vilji til þess hjá ríkisstjórninni að eiga til frambúðar tvo þriðju hluta í bankanum.

Forsætisráðherra sagði einnig koma til greina að selja hluti ríkisins í öðrum bönkum að því gefnu að gott tilboð fáist.

Viðtalið við Jóhönnu má sjá hér.

• 1 blogg um fréttina

Bloggað um fréttina

• Haraldur Haraldsson: Selja á hluti í Landsbankanum/Hver gefur henni leifi til þessa,spyr …