Staðan versnar á Spáni

Úrslit þingkosninganna í Grikklandi virðast ekki hafa haft mikil áhrif á trú fjárfesta á spænskt efnahagslíf því krafa á ríkisskuldabréf Spánar til tíu ára hefur hækkað í morgun og er nú 7,061%. Hefur krafan ekki verið hærri frá upptöku evrunnar árið 1999.

Þegar krafan fer yfir 7% er talið að ríki geti ekki staðið undir sér og líkt og bent er á í Morgunkorni greiningar Íslandsbanka er það sá múr sem var brotinn þegar Grikkland, Írland og Portúgal leituðu á náðir Alþjóðagjaldeyrissjóðsins eftir aðstoð.

• 3 blogg um fréttina

Bloggað um fréttina

• Páll Vilhjálmsson: Miðaldir í Evrópu, vöruskipti í Aþenu og Weimar-lýðveldið
• Ómar Geirsson: "They're Coming to Take Me Away Hahaaa, they are ....".
• Vinstrivaktin gegn ESB: ESB heppnaðist að láta leiðrétta kosningaúrslitin frá því í maí