ESB kaupi upp skuldir Spánar og Ítalíu
Setja bókamerki
Fréttavefur breska dagblaðsins Daily Telegraph segir frá því í kvöld að til standi að nota björgunarsjóði Evrópusambandsins til þess að kaupa upp skuldir evruríkja í vanda og þá einkum spænska og ítalska ríkisins en lántökukostnaður þeirra hefur hækkað mikið að undanförnu.
Forystumenn Evrópusambandsins hafa verið undir miklum þrýstingi á fundi G20-ríkjanna sem staðið hefur yfir í þessari viku að grípa til róttækra aðgerða til þess að reyna að koma böndum á efnahagskrísuna á evrusvæðinu.
Gert er ráð fyrir að notaðir verði allt að 750 milljarðar evra í þessu skyni og að þeir fjármunir verði teknir úr björgunarsjóðum Evrópusambandsins ESM og ESFS. Gert er ráð fyrir að forystumenn sambandsins tilkynni um þetta á næstunni.
Þá segir í fréttinni að hingað til hafi Evrópusambandið lánað ríkisstjórnum evruríkja í vanda beint en nú sé ætlunin að kaupa skuldabréf þeirra beint án aðkomu þeirra. Ennfremur segir að sérfræðingar telji að um sé að ræða skref í átt til evruskuldabréfa.
38 létust í flugslysi
Björgunarsveitir kallaðar út í nótt
Fuglager í Grindavík: „Þetta var bara pínu magnað“
Ofmeta sparnað í stjórnarráðinu
Var að slitna frá bryggju sökum hvassviðris
Strandveiðar í forgangi
Í þögn hjartans
Feðgar saman í Grænlandstúr á jólum