Olíuverð lækkar talsvert

Heimsmarkaðsverð á olíu hefur lækkað í dag og er það rakið til áhyggja fjárfesta af ástandinu á evru-svæðinu. Virðist litlu skipta að dregið hefur úr olíuframleiðslu í Mexíkó-flóa og í Noregi.

Verð á hráolíu hefur lækkað um 1,11 Bandaríkjadali í dag og er 78,65 dalir tunnan í New York.

Í Lundúnum hefur verð á Brent-Norðursjávarolíu lækkað um 63 sent og er 90,35 dalir tunnan.

Heimsmarkaðsverð á olíu hækkaði fyrst í morgun vegna frétta um að framleiðsla hafi stöðvast í Mexíkó-flóa vegna hitabeltislægðarinnar Debbyjar sem nú stefnir yfir olíuvinnslu í flóanum.

Eins hefur dregið úr olíu- og gasvinnslu í Noregi vegna verkfalls starfsmanna í olíuvinnslu en verkfallið hófst í gær.

• 1 blogg um fréttina

Bloggað um fréttina

• Ólafur Örn Jónsson: Kostnaðarhlutdeild sjomanna verður þa að sjalfsogðu afnumin ekki satt