Vill þjóðaratkvæði um fjármálasáttmálann

Leiðtogi hollenska Sósíalistaflokksins, Emile Roemer, lýsti því yfir í viðtali sem birtist í hollenska dagblaðinu Het Financieele Dagblad í gær að hann vildi að haldin yrði þjóðaratkvæðagreiðsla um nýjan sáttmála á vettvangi Evrópusambandsins um aukinn fjármálasamruna áður en Holland verði formlega aðili að honum.

Þá kom ennfremur fram í viðtalinu við Roemer að það væri heimska að gera ráð fyrir því að hægt yrði að koma fjárlagahalla hollenska ríkisins niður fyrir 3% af landsframleiðslu á næsta ári en reglur evrusvæðisins gera þá kröfu til aðildarríkja þess að þau haldi fjárlagahallanum innan þeirra marka.

• 1 blogg um fréttina

Bloggað um fréttina

• Páll Vilhjálmsson: Engar reglur um útgöngu Grikkja