Rekstarhagnaður Eimskips nam 19 milljónum evra
Setja bókamerki
Heildarvelta Eimskips var 198,1 milljón evra fyrstu sex mánuði ársins 2012 samanborið við 186,5 milljónir evra á fyrri hluta ársins 2011. Að teknu tilliti til einskiptisliðar á árinu 2011 að fjárhæð 6,4 milljónir evra jókst veltan um 10,0% á milli ára.
Rekstrarhagnaður (EBITDA) nam 19,0 milljónum evra samanborið við 17,9 milljónir evra fyrir sama tímabilið árið áður að teknu tilliti til einskiptisliða. Þetta kemur fram í tilkynningu frá félaginu.
Á fyrri árshelmingi 2011 höfðu einskiptisliðir áhrif á bæði veltu og afkomu. Á því tímabili var krafa að fjárhæð 6,4 milljónir evra innheimt, en hún hafði áður verið að fullu færð niður í bókum félagsins. Auk þess hafði strand Goðafoss neikvæð einskiptisáhrif á afkomu sem nam 0,7 milljónum evra.
Á árinu 2012 rekur félagið tvö skip á Ameríkuleið samanborið við eitt skip á árinu 2011.
Viðbótarskipið eykur flutningsmagn sitt jafnt og þétt en hefur ekki náð fullri nýtingu sem hefur áhrif á samanburð á rekstrarafkomu á milli ára, að því er fram kemur í tilkynningu.
Hagnaður eftir skatta fyrir fyrstu sex mánuði ársins nam 8 milljónum evra, 1,2 milljörðum íslenskra króna.
Heildareignir félagsins í lok júní námu 299,8 milljónum evra, vaxtaberandi skuldir námu 61,9 milljónum evra og var eiginfjárhlutfallið 61,6%. Handbært fé nam 27,2 milljónum evra í lok júní 2012 og hafði lækkað um 16,3 milljónir evra frá árslokum 2011, einkum vegna fjárfestinga í skipum.
Fæðuöryggi: „Áttum mat í þrjár vikur“
Átta flokkar næðu inn
Falskur fyrirvari á auglýsingum Höllu
Diegó vel á sig kominn: „Allir himinlifandi“
Íslensk kona handtekin á Tenerife eftir líkamsárás
Vinna hefst í dag við að reisa undirstöður
Háir tollar á vörur frá Mexíkó, Kanada og Kína