Taka vel í aðgerðir bandaríska seðlabankans

Hlutabréfamarkaðurinn í Bandaríkjunum hefur tekið verulega við sér eftir að bandaríski seðlabankinn tilkynnti í dag að hann hygðist verja 40 milljörðum dollara til að kaupa bréf með veði í fasteignum í ljósi þess að efnahagslífið sé of veikburða til þess að draga úr atvinnuleysi. Þá ítrekaði bankinn skuldbindingu sína til þess að halda stýrivöxtum lágum fram á árið 2015.

Fram kemur á fréttavefnum News Republic að Dow Jones-vísitalan hafi hækkað um 200 punkta og endað í 13.540 þegar mörkuðum var lokað sem sé það hæsta sem hún hafi farið í síðan í desember 2007 við upphaf núverandi efnahagserfiðleika. Standard & Poor's-vísitalan hækkaði um 23 punkta og endaði í 1.460 og Nasdaq fór upp um 42 stig og endaði í 3.156.

• 1 blogg um fréttina

Bloggað um fréttina

• Sigurður Haraldsson: Gerfi og ný bóla að mydast innan bankana!