4,7 milljónir Spánverja án vinnu

Atvinnuleysi jókst um 1,7% á Spáni í september og eru 4,7 milljónir Spánverja án atvinnu, samkvæmt upplýsingum frá vinnumálaráðuneytinu.

Spánverjum í atvinnuleit hefur fjölgað um 11,3% í september frá sama mánuði í fyrra. Atvinnuleysi jókst mest í þjónustu en dróst saman í landbúnaði, byggingariðnaði og iðnaði. 

Samkvæmt tölum frá Hagstofu Spánar, sem notar önnur viðmið við útreikninga á atvinnuleysi en vinnumálaráðuneytið, var atvinnuleysið 24,63% í lok júní og er hvergi jafn mikið á Vesturlöndum. Samkvæmt opinberum spám er talið að atvinnuleysi verði 24,6% í lok árs en á því næsta fari það niður í 23,3%.

Samkvæmt rannsókn sem UGT-stéttarfélagið birti í gær hefur um það bil ein milljón Spánverja verið í atvinnuleit í meira en tvö ár eða 20,8% fleiri en á sama tíma í fyrra.

Samkvæmt hagvaxtarspá ríkisstjórnar Spánar er gert ráð fyrir 1,5% samdrætti í ár og 0,5% samdrætti á næsta ári. Samkvæmt spánni er gert ráð fyrir 1,2% hagvexti árið 2014 og 1,9% árið 2015.

• 1 blogg um fréttina

Bloggað um fréttina

• Páll Vilhjálmsson: ASÍ í herferð gegn velferð