Rukka fyrir fréttir á netinu

Kanadíska dagblaðið The Globe and Mail hóf í gær að að rukka lesendur vefsíðu sinnar fyrir aðgang að fréttum. Áskriftin kostar 20 Kanadadali á mánuði eða um 2.500 krónur.

Höfuðstöðvar dagblaðsins eru í Toronto. Blað gærdagsins var vafið inn í auglýsingu um breytta þjónustu á netinu.

Útgefandinn Phillip Crawley tilkynnti í maí á þessu ári að nauðsynlegt væri fyrir fyrirtækið að efla tekjugrunn sinn. Að rukka fyrir fréttir á netinu er tilraun til þess.

Þeir sem ekki vilja kaupa áskrift hafa samt sem áður aðgang að 10 ókeypis fréttum á síðunni í hverjum mánuði.

• 1 blogg um fréttina

Bloggað um fréttina

• Páll Vilhjálmsson: Blaðadauði, lýðræðið og umræðan