Viðskipti | Morgunblaðið | 6.11.2012 | 8:37

Vill rýmka heimildir lífeyrissjóða

Páll Harðarson, forstjóri Kauphallarinnar, segir að auðlegðarskattur sé með þeim hætti að það dragi úr áhuga á skráningu.

Forstjóri Kauphallarinnar kallar eftir því að heimildir lífeyrissjóða verði lítillega rýmkaðar sem myndi hafa það í för með sér að um 100 milljarðar verði tiltækir til að fjárfesta í minni og meðalstórum fyrirtækjum sem skráð eru á hliðarmarkað Kauphallarinnar, First North.

Páll Harðarson, forstjóri Kauphallarinnar, leggur til að leyfa lífeyrissjóðum lögum samkvæmt að fjárfesta í nýjum flokki sem komið væri á fót – en nú mega sjóðirnir fjárfesta að hámarki 20% eigna sinna óskráðum eignum og annað í skráðum – sem væru fjárfestingar í bréfum á First North-hliðarmarkaðnum.

Hann segir í Morgunblaðinu í dag, að þetta gæti haft mikla þýðingu fyrir mörg fyrirtæki og eflt nýsköpun til muna.