Vill takmarka fjárfestingu í fasteignum

Þróunin á húsnæðismarkaðinum er óeðlileg og hægt er að gera ráð fyrir því að þetta sé fasteignabóla. Þetta segir Sigríður Ingibjörg Ingadóttir, þingmaður Samfylkingarinnar og formaður velferðarnefndar, í samtali við Bloomberg fréttaveituna. 

Eftir að fjármagnshöftunum var komið á urðu um 1 þúsund milljarðar aflandskróna fastir í hagkerfinu og síðan þá hafa þeir leitað í auknum mæli í fasteignamarkaðinn þar sem verð hefur hækkað um 17% síðan í apríl 2010 og er nú aðeins 1,7% lægra en þegar fasteignaverð var hæst í mars 2008. 

Sigríður segir að það sé ástæða fyrir Alþingi til að skoða það að setja lög sem takmarki fjárfestingakosti aflandskrónueigenda. Þetta eigi meðal annars við fjárfestingar þeirra á fasteignamarkaði, en hún segir að með fjármagnshöftunum hafi Íslendingar náð að lifa í gerviheimi með íslensku krónunni, sem sé þó ekki alvöru gjaldeyrir.

• 2 blogg um fréttina

Bloggað um fréttina

• Jóhann Elíasson: HVAÐ ER MANNESKJAN EIGINLEGA MEÐ Á MILLI EYRNANNA???????
• S i g u r ð u r S i g u r ð a r s o n: Eftirlitsstofnun með aflandskrónum