„Meira frelsi og velmegun ef umsvif ríkisins eru lítil“

Það er afar erfitt að hafa gott skattakerfi sem stuðlar að hagvexti þegar hið opinbera er stórt. Umsvif þess á Íslandi eru um hálf landsframleiðsla. Það er of mikið.

Ágætt er að hafa í huga að ef hagkerfi vex um 7% á ári tekur það tíu ár að tvöfaldast en ef það vex um 1% á ári tekur tvöföldun 70 ár.

Þetta segir Daniel Mitchell, skattasérfræðingur Cato Institute, í samtali í Morgunblaðinu í dag. Hann flutti erindi á föstudaginn gegn stighækkandi sköttum og talaði fyrir flötum sköttum. Rannsóknarsetur um nýsköpun og hagvöxt ásamt Samtökum skattgreiðenda stóðu að fyrirlestrinum. Mitchell er með doktorspróf í hagfræði frá George Mason-háskóla í Virginíu.

„Ég tel að við munum hafa meira frelsi og meiri velmegun ef umsvif ríkisins eru lítil,“ segir hann.