Lántökukostnaður Spánar lækkar

Lántökukostnaður spænska ríkisins lækkaði í morgun í skuldabréfaútboði sem fór fram einungis nokkrum klukkutímum eftir að leiðtogar Evrópusambandsins samþykktu að koma á sameiginlegu fjármálaeftirliti.

Uppboðið á skuldabréfum til þriggja og fimm ára skilaði rúmum tveimur milljörðum evra í ríkissjóð sem þýðir að ríkisstjórn Spánar fær aukið olnbogarými til þess að komast hjá því að þurfa að leita á náðir björgunarsjóðs ESB.

Ávöxtunarkrafan á skuldabréf til þriggja ára er 3,358% en var 3,39% í útboði sem fram fór þann 5. desember. Eins lækkaði ávöxtunarkrafan á fimm ára bréf úr 4,477% í 4,2%.

• 1 blogg um fréttina

Bloggað um fréttina

• Ómar Bjarki Kristjánsson: Æ æ æ æ.