Jón Ásgeir hafnar ákærunum
Setja bókamerki
Jón Ásgeir Jóhannesson hafnar ákærum sérstaks saksóknara á hendur sér í Aurum-málinu svokallaða. Hann segir mikil verðmæti í Aurum. Fyrirtækið hafi verið selt í síðustu viku á 36 milljarða. Það sé mun hærra verð en saksóknari noti í verðmati í ákærunni. Jón Ásgeir segir saksóknara aldrei hafa rætt málið við sig.
Þetta kemur m.a. fram í tölvupóstskeyti sem hann hefur sent mbl.is
Í skeytinu segist hann hafa verið ofsóttur af yfirvöldum í áratug. Frá því í ágúst 2002 hafi hann haft „stöðu grunaðs manns hjá íslenskum yfirvöldum.“
Jón Ásgeir segir að Glitnir hafi verið betur tryggður eftir viðskiptin en fyrir. „Það sjá það allir sem málið skoða,“ skrifar Jón Ásgeir. „Það er fáránlegt að halda því fram að við, sem stærstu eigendur Glitnis á þessum tíma, hefðum hag af því að skaða bankann. 6 milljarða tap hefði kostað okkur í kringum 16 milljarða í markaðsvirði.“
Frétt mbl.is: Hafði óeðlileg afskipti af Glitni
Frétt mbl.is: Jón Ásgeir beitti Lárus þrýstingi
Ákvörðun Trumps veldur titringi
Stefnt að afgreiðslu Íslandsbankasölu á vorþingi
„Sársauki okkar er nístandi“
Ekki tekist að vernda börn þrátt fyrir vitneskju
Gjöldum dembt á í blindni
„Ég hef verið kjaftaskur mikill“