Vilja lækkun lágmarkslauna í Svíþjóð

Efnahags- og framfarastofnunin, OECD, hvetur sænsk stjórnvöld til þess að gera meira fyrir þá sem hrekjast af vinnumarkaði. Er hvatt til þess að lágmarkslaun verði lækkuð í Svíþjóð og að aukin áhersla verði lögð á að auka menntun. Með því verði hægt að fjölga störfum. 

Eins leggur OECD til að reglum verði breytt á þann veg að meira verði um að fólk sé ráðið til langs tíma í stað þess að festast í skammtímaráðningarsamningum. Telur stofnunin að það hvað lágmarkslaun eru há þýði að launakostnaður fyrirtækja haldist hár og þau geti ekki ráðið fleiri til starfa.

Á síðasta ári mældist atvinnuleysi 7,6% í Svíþjóð en meðal ungs fólks er það 22,9% sem er mun hærra heldur en að meðaltali innan OECD.

• 1 blogg um fréttina

Bloggað um fréttina

• Ómar Geirsson: Réðst krónan á lífskjörin???